Aurten ere egun bakarreko emakumeen pala txapelketa azkarra antolatu du Iruleak Emakume Pilotariak kirol klubak. Norgehiagoka guztiak igande (otsailak 16) goizean jokatuko dira Aldats pilotalekuan eta, zehaztu dutenez, 16 urtetik gorakoek parte hartu ahal izango dute bertan. Antolatzaileek, ohi bezala, txapelketan parte hartzeko dei zabala egin dute.
Txapelketa binakakoa bada ere, izena bakarka eman beharko dela gogorarazi dute. Interesa dutenek 685 75 50 74 telefono zenbakira deitu edo idatzi beharko dute, eta aurrelari edo atzelari bezala parte hartu nahi duten zehaztu. Jakinarazi dutenez, bikoteak zozketa bidez osatuko ditu antolakuntzak. Gaur (otsailak 12) da izena emateko azken eguna.