Kaleetan eta parkean 3-9 urte bitarteko haurren artean euskararen erabilera handitzea helburu duen Bastiñuixan egitasmoari martxoan emango diote jarraipena Debako Udalak eta Zuhatza-Kolore Anitz Aisialdi Taldeak. Baina aurrez gurasoen iritzia ezagutu nahi dute, hurrengo saioetan eskaintza hobetzen jarraitu nahi dutelako.
Horretarako, gurasoei zuzendutako galdetegi bat prestatu dute antolatzaileek eta dokumentua betetzeko deia egin diete herritarrei. Otsailaren 10era arteko epea izango dute galderak erantzuteko. Galdetegia HEMEN bete daiteke euskara hutsean, eta HEMEN, berriz, ele bitan.