Kultur Elkarteak eta Debako Udalak elkarlanean antolatutako KulturEkin egitasmoaren baitan, Idoia Asurmendiren kontzertu akustikoa eta Oscar Terol aktore eta umoregilearen ikuskizuna izango dira abenduan. Zehaztu dutenez, hilaren 13an (20:00) izango da artista aramaioarren zuzenekoa. Aktore eta umoregile donostiarrak, berriz, hilaren 28an (20:00) eskainiko du musika eta umorea uztartzen dituen Lo canto todo ikuskizuna.
Jakinarazi duenez, bi hitzordu horietako sarrerak bihar (azaroak 26) jarriko dituzte saltzen. Horiek eskuratzeko ordutegia 18:00etatik aurrera izango da, Kultur Elkartean bertan. Aurreratu dutenez, ikuskizun bakoitzerako txartelek 10 euroko salneurria daukate eta, ekitaldi bakoitzerako pertsonako bi sarrera erosi ahal izango dira gehienez.