Txalaparta etxeak argitaratu duen Zenbat lo liburuaren aurkezpena izango da gaur (urriak 17) Debako Kultur Elkartean. Iraitz Lizarraga idazleak haur batek espetxearekin eta preso duten amarekin duen harremana kontatzen du liburu horretan; Nekane Txapartegi eta haren alabaren historia dago oinarrian. Obra poetikoa da, gaztetxoei zein helduei zuzendua, eta "afektu eta jolasez, testuz eta ilustrazioz" josita dago. Izaro Lizarragarenak dira liburuko irudiak.
Arratsaldeko aurkezpen ekitaldian idazlea eta irudigilea izango dira, baita Nekane Txapartegi ere. Aurkezpenaren ondoren solasaldia ere izango da.