Debako Udalak 2023-2024 ikasturtean euskara ikasteko ikastaroak egin dituzten edota UEUk antolatutako ikastaroren batean parte hartu duten pertsonei zuzenduriko dirulaguntza deialdia zabaldu du.
Honakoak dira ezarri diren baldintzak:
- Egindako ikastaroaren (dela aurrez aurrezkoa dela Internet bidezkoa) maila gainditzea. EGAren kasuan, maila gainditu ez dutenek irakaslearen aldeko txostena aurkeztea ezinbestekoa izango da.
- Asistentzia. %85etik gorako asistentzia eskatzen da ohiko ikastaroetan eta %100eko asistentzia, barnetegietan eta UEUko ikastaroetan.
- Ikastaroek 2023ko irailetik 2024ko irailera bitartean burututakoak izan behar dute. Onuradunak, gainera, ikastaroa egiten ari den bitartean Deban erroldatuta egon dela ziurtatu beharko du.
- Dokumentazio osagarria. Ikastaroa egin bitartean, langabezian egon izanaren ziurtagiria, erretiro egiaztagiria edo , hala badagokio, ikasle agiria.
Eskaera orriak udaletxean daude eskuragarri. Interesa duten herritarrek Debako Udaleko Sarrera Erregistroan aurkeztu beharko dute eskaera, eskatutako dokumentazio guztiarekin batera. Urriaren 15a da horretarako azken eguna.