Gaur (abuztuak 2) oporrak hartuko ditugu erredakzioan, baita euskara elkartean ere; hori dela eta, abuztuan ez dela hilabetekaria kaleratuko gogorarazi nahi dizuegu. Hurrengo alea, paperezko edizioan, irailaren amaieran plazaratuko dugu, baina berriketan.eus webgunea datozen egunotan elikatzen jarraituko dugu, eta irailaren hasieratik ere martxan izango da.
Atseden hartu aurretik, nolanahi ere, gaur gauean Gure Giroren baitan Ibil Bedi taldeak zumardian emango duen kontzertuan (22:00etan) ikusiko dugu elkar, antolakuntza lanetan ariko baikara zuhatzakideok ere. Gonbidatuta zaudete guzti-guztiok, noski!
Irailaren hasieran itzuliko gara lanera eta orduan izango dugu berriz ere elkarren berri, hitzordua jarrita baitugu, besteak beste, Euskal Jaian. Ordura arte, beraz, ondo izan eta, batez ere, gozatu, baina ez ezazue euskara oporretara bidali! Badakizue, guk geuk nahiago euskaraz!