Amaikak Batek zuzendaritza talde berria du, Egoitz Konde gidari dela

Berriketan 2024ko eka. 26a, 09:36

Talde bakarra aurkeztu da Amaikak Bateko zuzendaritza batzordearen ardura bere gain hartzeko prest eta, ondorioz, Egoitz Konde lehendakari izango duen talde exekutiboak zuzenduko du kluba aurrerantzean. 

Kondek "asmo onenekin eta ilusioz" heldu dio zeregin berriari, eta azaldu du  "aurrekoek egindako lan onari" jarraipena ematea duela helburu.

Bide horretan, talde exekutiboan dauden Josu Varela (lehendakariordea), Paul Garcia (diruzaina), Iñaki Aristi (idazkaria) eta Aiert Zinkunegi (kirol arduraduna) izango ditu bidelagun, "baita beste hainbat laguntzaile ere".