Gaurtik aurrera, Korrikaren ibilbide osoa 24 orduz eta zuzenean ikusteko aukera izango da Berriketan.eus atarian, Korrikak Youtuberen bitartez zabalduko duen zuzeneko emisioari esker.
16:00etan emango zaio hasiera ofiziala AEK-ren ekimenari, ordu-erdi lehenago hasiko den ekitaldiaren ostean, eta lasterketaren irekiera ekitaldia zuzenean ikusteko aukera izango dute ikus-entzuleek. Era berean, webgune honetan zuzeneko jarraipena egin ahalko zaio euskararen aldeko ekimen herrikoiari datozen orduetan eta egunetan.