Realak antolatutako haur mailako txapelketa jokatuko da Errotazarren

Berriketan 2023ko urt. 4a, 12:07

Futbola gustuko dutenek badute gaur (urtarrilak 4) arratsalderako plana, izan ere Realak martxan jarri duen haur mailako txapelketaren partida batzuk hartuko ditu Debako Errotazar udal futbol zelaiak.

Antolatzaileek adierazi dutenez, L multzoan dauden bost taldeak nor baino nor gehiago ariko dira. Amaikak Bat etxeko taldearekin batera, Mutriku, Ostadar, Sanse eta Bergarako taldeetako futbol jokalariak euren onena ematen saiatuko dira.

Txapelketa 15:30ean hasiko da, eta parte hartuko duten bost taldeek guztira hamar partida motz jokatuko dituzte. Zehaztu dutenez, hogei minutuko iraupena izango du neurketa bakoitzak.

ORDUTEGIA:

  • 15:30. Amaikak Bat-Mutriku.
  • 15:55. Ostardar-Sanse.
  • 16:20. Bergara-Amaikak Bat.
  • 16:45. Mutriku-Ostadar.
  • 17:10. Sanse-Bergara.
  • 17:35. Amaikak Bat-Ostadar.
  • 18:00. Mutriku-Sanse.
  • 18:25. Bergara-Ostadar.
  • 18:50. Amaikak Bat-Sanse.
  • 19:15. Mutriku-Bergara.