2023ko irailaren 6tik 9ra egingo da Deban XVI. Animaziozko Film Laburren Nazioarteko Lehiaketa eta martxoaren 3az geroztik zabalik dago bertan parte hartzeko deialdia. Filmfreeway plataformaren bitartez (filmfreeway.com) ireki dute izen-ematea eta lehiaketaren nondik norakoak eta oinarri guztiak Animadebaren webgunean jarri dituzte ikusgai.
Aurtengoa hamaseigarren Animadeba izango da; Euskal Herrian animaziozko zinema jaialdiarik zaharrena da. 2019an jauzi bat egin eta garai berri bati hasiera eman zion: hain zuzen ere, nazioarteko festibal bihurtu zen urte hartan.