Ikasturte berria irailean hasi ondoren, urrirako prestatu duten ikastaro sorta zabalaren berri eman dute Debako KZguneko arduradunek. Guztira, zazpi sailetan (irudia eta bideoa, aisia eta entretenimendua, ofimatika, produktibitatea, programazioa eta garapena, sare sozialak eta segurtasuna) banatutako doako hamabi ikastaro egiteko aukera izango da. Ikastaro gehienak gaztelaniaz eskainiko badira ere, bi euskara hutsean izango direla aurreratu dute.
Honako ikastaroak egiteko aukera egongo da:
- Ikas ezazu ShotCue-ekin bideoak ukitzen (Internet bidez).
- Editatu bideoak zure Smartphonearekin (bideokonferentzia bidez).
- Google argazkiak. Antolatu hodeian zure argazki guztiak (bideokonferentzia bidez).
- Wikiloc. Sortu eta partekatu zure kanpoko ekintzen ibilbideak (Internet bidez).
- Ofimatika orokorra. LibreOffice (Internet bidez).
- Kudeatu zaitez Google aplikazioekin (aurrez aurrekoa).
- Sortu zure e-mail marketin kanpainak (Internet bidezkoa).
- Google Data Studio. Aztertu zure datuak (Internet bidezkoa).
- Gmail. Posta elektronikoa baino gehiago (bideokonferentzia bidez).
- APP Inventor. Sortu zure APPak (Internet bidez).
- Sare sozialak. Facebook, Twitter eta YouTube (Internet bidez).
- Erosketa eta ordainketa segurua Interneten (bideokonferentzia bidez).
Izen-ematea
Ikastaroei buruzko informazioa eskuragarri dago KZgunearen webgunean, eta arduradunek jakinarazi dute izen ematea zabalik dagoela. Ikastaroan izena eman nahi dutenek hainbat bide dituzte horretarako. Alde batetik, KZguneko bulegora (Astillero, 4) joanda izena eman daiteke, baina zentroko arduradunek azpimarratu dutenez, une honetan aldez aurretik hitzordua eskatuta soilik bertaratu daiteke. Hitzordua 943 02 36 29 telefono zenbakira deituta edo KZguneko honako loturan sartuta eskatu daiteke.
Bestetik, 943 02 36 29 telefono zenbakira deituta ere izena eman daiteke. Bide hori erabili nahi dutenek derrigorrez KZguneko erabiltzaile izan beharko dutela gogorarazi dute. Azkenik, KZgunearen webgunean bertan sartuta ere izena eman daiteke; bide hori erabili nahi dutenek ere derrigorrez KZguneko erabiltzaile izan beharko dute.
KZgunean edo ikastaroetan izena emateko laguntza behar dutenentzako honako bideo tutorialak prestatu dituzte:
- KZgunean izena eman (KZguneko erabiltze egitea).
- Formakuntza batetan webgunearen bidez izena eman.
Zerbitzuaren arduradunek jakitera eman dutenez, gainera, urrian hilaren 1etik 15era egongo da zabalik zentroa. Honakoa da ordutegia: astelehenetik ostiralera, 16:00etatik 20:00etara.