Hilaren 14an, larunbatean, Elikadura burujabetza puntutan… goiburupean antolatutako hitzordua egingo da Agirre jauregiko Ispiluen gelan, 11:30ean. Bertan, “Zer jaten dugu elkarteetan, herri bazkarietan…?” galderari tiraka ariko dira ondorengo gonbidatuak: Iñigo Izagirre arrautza ekologikoen ekoizlea eta bertsolaria; Mirene Begiristain Agroekologian ikerlaria (EHU) eta Biolur Gipuzkoako kidea; Leo Belaustegi arrantzale erretiratua eta Ondarroa 12mila elkarteko kidea; eta Ainhoa Narbaiza Gure Platera Gure Aukera eta Bergarako elikadura mahaiko kidea. Ondoren zizka-mizkak izango dira.
Arrano Elkartearen 40. urtemugaren harira prestatu duten egitarauaren baitan antolatutako lehen hitzordua izango da larunbatekoa; maiatzera bitartean bestelako bost bat ekimen egitea aurreikusten dute.