Nerea Loiola idazle debarrak eta Aitziber Alonso ilustratzaileak sortu dute komikia, Alai argitaletxearen eskutik. EITBLab ideia eta eduki berrien laborategiak sustatutako ekimena da eta mundu mailako komikien gune den webtoon plataformaren arrakastan oinarrituta abiatu dute proiektua.
Formatu berri honen bidez, protagonistek istorioan entzuten duten musika entzun dezakete erabiltzaileek, pertsonaiei edo gertakariei buruzko informazioan sakontzeko aukera dute eta, komikian aurrera egiteko, istorioaren garapenaren inguruko galderak erantzun beharko dituzte. Lehen fasean atalak euskaraz eta katalanez eskainiko dira.