Bueltan da Real Sociedad Urpekoak elkarteak antolatutako eta Debako Udalak babestutako Cimasub Itsaspeko Zinemaren Nazioarteko Zikloa. Hiru ostegunetan —martxoaren 16an, 23an eta 30ean— mundu zabaleko itsaso eta ozeanoetako egoeraren erakusgarri diren ikus-entzunezkoak ikusteko aukera egongo da Kultur Elkartean, 18:30etik aurrera, doako sarrerarekin. “Mundu osoko zaletu eta ikus-entzunezko profesionalen grina, gizakiaren eragina erdigunean jarrita, planetaren bizi iraupenerako hain garrantzitsuak diren itsaso eta ozeanoen edertasuna eta narriadura erakutsiko digute”, azaldu dute antolatzaileek.
Guztira, mundu mailan saritutako 26 film labur eta lau dokumental ikusteko aukera egongo da zinema zikloaren baitan. “Planetaren itsaspeko paradisu ezberdinekin gozatzeko aukera ematearekin batera, gure itsasoek sufritzen duten narriadura azaleratuko dute lanok”.
Mundu mailan erreferente. Antolatzaileen esanetan, ikus-entzunezko lan ezberdinen hedapenean oinarrituta, itsaspeko mundua ezagutaraztea eta itsaso eta ozeano guztien zainketaren kontzientzia zabaltzea da Cimasub jaialdiaren helburua. 47 urteko lanaren ondoren, planeta osoko itsaspeko zinemaldirik luzeena bihurtu da. “Munduko erreferentea da urpeko zinemaren jaialdietan, eta mundu osoko film laburrak eta dokumentalak jasotzen ditu lehiaketara”.
Emandako datuen arabera, 80 herrialde baino gehiagok parte hartu zuten iazko jaialdian. “Hori dela eta, aukera paregabea da pantaila handian sektoreko lanik onenez gozatzeko, bai kalitateari dagokionez, eta baita sentsibilizazioko eta itsasoko ingurumen hezkuntzako edukiei dagokienez”.
Martxoaren 16an, gainera, Txikizikloren beste edizio bat ospatuko dute. Ikasleentzat zuzenduriko emanaldi berezia 10:00etan hasiko da Kultur Elkartean, eta bertan, LHko 5. eta 6. mailako 10 eta 12 urte bitarteko haurrek itsaspeko zinemaz gozatzeko aukera izango dute. Azaldu dutenez, ekintzan parte hartuko duten ikasleei aurretik gelan lantzeko material didaktikoa erraztuko zaie ikus-entzunezko material osagarriarekin eta jarduera eta orientazio metodologikoekin batera.
PROIEKZIOAK:
- Martxoak 16. Lehen saio honetako proiekzioetan planeta osoko ozeano eta itsasoetan zehar bidaia liluragarri batez gozatu ahal izango da. Honako proiekzioak ikusteko aukera egongo da.
- Galapagos (Olivier Bourgeois). Iraupena: 3 minutu.
- The reef (Tom Park). Iraupena: 6 minutu.
- Two days in Paradise (Noemie Stroh). Iraupena: 3 minutu.
- Recuerdame (Maite Erauskin-Extramiana). Iraupena: 4 minutu.
- Una vision diferente (Andoni Asenjo Estebanez). Iraupena: 18 minutu.
- Canon C70 (Alex del Olmo eta Lidia Martinez Seara). Iraupena: 3 minutu.
- Once upon a time (Alfred Schaschl). Iraupena: 3 minutu.
- King of Sea (Stephane Berla). Iraupena: 5 minutu.
- The Origen – Life around the Hot Spring (Claudia Schmitt). Iraupena: 4 minutu.
- Corazon azul (Victor Sanchez Sayago). Iraupena: 4 minutu.
- Mission Euridice (Marco Spinelli). Iraupena: 23 minutu.
- Martxoak 23. Bigarren saio honek planetako ozeanoen ispiluaren “bestaldeko bidaia” eskainiko die ikusleei. Zehaztu dutenez, munduko muga eta itsaso guztietan “murgilduko” dira egun horretako proiekzioa ikustera bertaratzen direnak.
- French Polynesia (Olivier Bourgeois). Iraupena: 5 minutu.
- Amor Plastonico (Jesus Manuel Martinez Guerrero). Iraupena: 4 minutu.
- A voz do Oceano (Rodrigo Thome). Iraupena: 5 minutu.
- Batangas Philippines (Jose Carlos Rando Lara). Iraupena: 5 minutu.
- Beneath (Morgan Le Faucheur – Almo Films). Iraupena: 4 minutu.
- The meadow behind our home (Alfred Schaschl). Iraupena: 3 minutu.
- Tiger (Shark) King (Clayton Conn). Iraupena: 7 minutu.
- Rio y el sueño de las ballenas (Julio Junquera Aparicio). Iraupena: 8 minutu.
- Under the surface (Galang Wahyu Efesus). Iraupena: 6 minutu.
- Reservas Marinas (Felipe Ravina Olivares). Iraupena: 4 minutu.
- Sea of Legends (Pierangelo Pirak, Morgan Maugeri). Iraupena: 23 minutu.
- Martxoak 30. Hirugarren saio honetan planetaren zatirik handiena irudikatzen duen itsas unibertsoan murgilduko dira ikusleak.
- Seasons in the Pacific Northwest (Juan Francisco Rodriguez). Iraupena: 4 minutu.
- Diaporama edizio honetako argazki onenekin. Iraupena: 7 minutu.
- Plastic Ecosystem (Stefie Gan). Iraupena: 2 minutu.
- Give it a try (Victor Sanchez Sayago). Iraupena: 3 minutu.
- VIP (Mahmood Yazdani Bahramabadi). Iraupena: 2 minutu.
- Malpelo: Mountain of Sharks (Kevin Mannens). Iraupena: 15 minutu.
- Underwater Reel Canon C70 RAW (Alex del Olmo eta Lidia Martinez Seara). Iraupena: 4 minutu.
- Salvar Tenerife (Felipe Ravina Olivares). Iraupena: 43 minutu.