Jon Ander Artola eta Yeray Gascon taldekideen bideak gurutzatuta, 2018an sortu zen Habi taldea. Villabonan jaioak dira biak, eta musikarekiko pasioak elkartu zituen. Horren emaitza da Habi: Artolaren bateriaren indarra eta Gasconen gitarraren soiltasuna, azken horren ahots bereziaren osagarri.
Elkarlanean hasi eta sei hilabetera plazaratu zuten zortzi kanta biltzen dituen lehen lana: Loratu. Eta bigarren proiektua konfinamendu garaian iritsi zen; azken hilabeteetan sortutako abestiak batu, findu eta bigarren disko batean jaso dituzte: Koloreak. Post-rock, grunge, stoner eta pop melodiak nahasten ditu bikoteak.
Datorren ostiralean, leku eta ordu berean, antzerkia izango da protagonista; Album ikuskizuna dakar Formol Laborategiak.