Xebastian Lizaso eta Iker Zubeldia bertsolariak eta Mikel Garaizabal ardo-dibulgatzailea izango dira asteazkeneko saioko protagonistak. Bertso saio tematikoa Agirre jauregiko Ispiluen gelan izango da, 19:00etan, eta Udalak jakinarazi du edukiera mugatua izango duela (25 pertsona); sarrerak 10 euroan eros daitezke, Turismo bulegoan.
Getariako Txakolina elkarteak antolatu du hitzordua, Lanku Bertsozale elkartearen eta Debako Udalaren laguntzarekin.