Ekainaren 20tik 24ra (biak barne) izango da ikastaroa Lubaki Kiroldegian, Zumaian. Joan-etorria trenez egingo da, bi hezitzaileren laguntzarekin, eta haurrak irteera osoan zehar egongo dira hezitzaileen ardurapean. Horretarako, 15:30ean estalitako pasealekuan egon beharko dute umeek, eta Debara 18:45ean itzuliko dira.
Ikastaroa hasiberrientzat izango da (flotaziorik ez, urari beldurra…) eta gehienez ere 20 haurrek hartu ahal izango dute parte. Lehentasuna izango dute LH3 eta LH4ko ikasleek; lekurik geratuko balitz, LH5 eta LH6ra zabalduko litzateke izen-ematea, eta azkenik, LH1 eta LH2ra.
Prezioari dagokionez, 20 euro ordaindu beharko da ikastaroa, baina prestazio hauek jasotzen dituzten herriko familiek ez dute ordaindu beharrik izango: Diru-sarrerak Bermatzeko Errenta (DBE), Bizitzeko Gutxieneko Diru-sarrera (BGD), edo Gizate Larrrialdietarako Laguntza (GLL). Haur horiek lehentasuna izango dute izen-ematean. Turismo bulegoan eman beharko da izena eta gaur da horretarako azkeneko eguna.