Kultur Elkarteak eta Debako Udalak elkarlanean antolatutako KulturEkin egitasmoaren baitan egingo da azaroaren 4ko bertso saioa, eta Euskaralditik ere bertaratzeko deia egin dute. Emanaldia 20:00etan izango da, Kultur Elkartean, eta lau bertsolariekin batera Manex Astigarraga ere izango da oholtzan, gai-jartzaile lanetan. Aurreikuspenen arabera, ordubete inguruko saioa izango da.
KulturEkin programazioko aurtengo azken-aurreko ekimena izango dela azaldu dute antolatzaileek. Azken hitzordua abenduaren 28an egingo da; Alazne Etxeberriaren Mujer vasca soltera busca… bakarrizketaz gozatzeko aukera izango da Kultur Elkartean. Gaztelaniaz egingo da saioa eta 16 urtetik gorakoei zuzenduta egongo da.