“Elkartea sortu zeneko inguruabar latzak, bidean jasandako trabak zein egungo egoera zaurgarria ahaztu gabe, gurea dugun jaiari eta borroka izaerari eutsiz ospatuko dugu eguna”, nabarmendu dute Arrano Elkarteko kideek.
Herria erraldoiekin eta musikariekin girotuz emango diote hasiera egitarauari, 12:00etan. Ondoren, Plaza Zaharrean, ospakizun ekitaldia egingo dute partaideek eta jarraian, 13:00ak aldera, herrian kalez kale ibiliko dira poteo girotuan, “alaitasun egarriz”. Azkenik, “irribarre gosez”, bazkaria egingo dute Arrano Elkartean, ospakizunarekin mahaiaren bueltan jarraitzeko asmotan.
Herritarrei deialdian parte hartzeko deia egin diete antolatzaileek. “Eskerrik asko, bihotzez, Arrano Eguna posible izan dadin laguntza eskaini duzuen guztioi eta hitzorduan bertan parte hartuz eguna bera egi bihurtuko duzuen guztioi!”.
[EGITARAUA].
