Uztaileko ostiral gauetan izan dira emanaldiak, 22:00etan guztiak ere, eta, kokalekuari dagokionez, jatorrizko lekura itzulita, hau da, Plaza Zaharreko iturri ondora. Bederatzigarren edizioa izan du aurtengoa Iturri Ondoan-ek, eta hainbat diziplinatako saioak izan dira ikusgai: bertsolaritza, literatura, dantza eta musika.
Bihar iluntzean ekimenari amaiera ematera datorrena, berriz, Album antzerkia izango da. Lan honekin gazteak datoz oholtza gainera gazteez mintzatzera, hots, beren buruez; Formol Laborategiak sortutako antzezlana aurkeztuko dute.