Txosnagunea eta bere egitaraua aurrera aterako dira Debako Gazte Asanblada, Presoen Lagunak, Zezenketen aurkako taldea, Debasket, Deba-Reus Komisioa eta zenbait norbanakoren ekimenez. Txosnetako txandak bete samar daude baina, batzordekideek gogorarazi dutenez, animatuz gero gustura eta esker onez egingo zaio lekua esku bat bota nahi duenari.
Berritasunik ere izango du aurtengoan txosnaguneak: batetik, bi txosna izango dira hiru beharrean, baina horietako bat aurrekoa baino handiagoa izango da; bestetik, bokatak beharrean pizzak izango dira iluntzean, eta lehen beste txosna bat zegoen lekuan afaltzeko mahai eta aulkiak jarriko dira orain.
Azkenik, Sare Feministak eraso sexisten aurkako protokoloa prestatu du, txosnagunea leku seguru izan dadin.