Kultur Mahaiak batzar irekia egingo du eta bertaratzeko deia egin die herritarrei. Aurreratu dutenez, aurreko prozesuan emandako pausoen azalpenak emango dituzte bertan, eta ondoren gaur egungo egoeraz eta etorkizunaz hitz egiteko tartea izango da.
Petoak, banderolak, giltzatakoak, kamisetak... erosteko aukera izango dute inguratzen direnek, 19:30etik 21:00etara.
'Eszena musikala eraikiz' lelopean, urteko lehen afari feminista antolatu du Deba eta Itziarko talde feministak. Afalorduan, emakumeek eszena musikalean duten rola izango dute hizpide eta ondoren, saioa eskainiko dute herriko emakume musikariek. Honako formularioan sartuta izena eman daiteke; prezioa, borondatea.